هل انتهى المشوار ؟

اغنية جميلة جدا لكاظم الساهر

ورغم عشقى للقيصر الا ان الاغنية دى تحتل مكانة خاصة بداخلى . ربما لانها تذكرنى بمعاناتى او فشلى فى مراحل معينة من حياتى


وربما لانها كانت فى بعض الاحيان قرار اتخذته او فرض على او او او


والسؤال اللى خطر ببالى ... هل فعلا انتهى المشوار ؟؟؟



اكتشفت انى لم احقق اى شىء مما اريده . كنت مطالب دائما بتحقيق الامال والامنيات من اجل الاخرين .. لاجد فى النهاية انى لم احقق لنفسى اى شىء

كنت دائما مطالب من الاخرين بتحقيق النجاح .. ان اكون مسئول عن التزاماتى تجاههم

هروب من الحب

- انت اتخليت عنها . -انت ماتعرفش اللى جوايا . - ايه جواك يخليك تتخلى عنها بالشكل ده ؟ - مش حتفهمنى. - طب حاول تفهمنى . - المشكلة انك بتحكم بالمظاهر. - هو ده اللى انا شايفه وهو ده رأيى. - انت ظلمتنى برأيك . - زى ما انت ظلمتها كدا ؟ - بلاش تعلب بالالفاظ . - طب ما انت لعبت بمشاعرها. - انا كنت بحميها. - بأنك تتخلى عنها ؟ - لو وصلت للدرجة دى .. ايوة - وهى مالهاش رأى تختار؟ - كنت عارف اختيارها - ومع ذلك سيبتها؟ - مش يأيدى - كان لازم تبقى اقوى. - قصدك لازم اكون واقعى. - واقعيتك دى حطمتها. - كانت لازم تفهم ان دى النهاية فى كل حال .. وانا استعجلت النهاية مش اكتر. - بتتكلم كأنه ذنبها !! - انا مقلتش كدا .