- انت اتخليت عنها .
-انت ماتعرفش اللى جوايا .
- ايه جواك يخليك تتخلى عنها بالشكل ده ؟
- مش حتفهمنى.
- طب حاول تفهمنى .
- المشكلة انك بتحكم بالمظاهر.
- هو ده اللى انا شايفه وهو ده رأيى.
- انت ظلمتنى برأيك .
- زى ما انت ظلمتها كدا ؟
- بلاش تعلب بالالفاظ .
- طب ما انت لعبت بمشاعرها.
- انا كنت بحميها.
- بأنك تتخلى عنها ؟
- لو وصلت للدرجة دى .. ايوة
- وهى مالهاش رأى تختار؟
- كنت عارف اختيارها
- ومع ذلك سيبتها؟
- مش يأيدى
- كان لازم تبقى اقوى.
- قصدك لازم اكون واقعى.
- واقعيتك دى حطمتها.
- كانت لازم تفهم ان دى النهاية فى كل حال .. وانا استعجلت النهاية مش اكتر.
- بتتكلم كأنه ذنبها !!
- انا مقلتش كدا .
- انت مقلتش حاجات كتير.
- مشكلتى انى كنت الاقوى فى تقبل القرار.
- مشكلتك انت ؟ امال هى تعمل ايه ؟
- طب انا ذنبى ايه انها اضعف منى فى تقبله؟
- هى كانت الاضعف لانه من البداية مش قرارها
- قصدك ايه ؟
- قصدى انك كنت قاضى ظالم وجلاد بدون مشاعر فى نفس الوقت
- انت بتهاجمنى كدا ليه ؟
- لانى شايف انك بتغلط
- جايز اكون غلط . بس اثبتت انى كنت صح لما اخدت القرار
- هههههه انت بتضحك على نفسك .
- بالعكس انا متأكد من اللى عملته.
- على اى اساس؟
- على اساس انى كنت عارف اللى كان حيحصل .. واهه حصل فعلا.
- امرك غريب !!
- ايه الغرابة فى كدا ؟
- بعد كل ده كنت عايزها تستناك ؟
- بالعكس .. انا كنت بتمنى لها كل خير.
- حتى لو مع غيرك ؟
- المهم انها بخير.
- حتجننى.
- مش قلت لك مش حتفهمى.
- ده ماينمعش انى مش موافقك على اللى بتعمله
- لانك بتفكر زى الناس وحكمت عليا زيهم
- ماتقدرش تلومهم
- فات الاوان للكلام .. كل واحد فينا له طريقه
- انت قاسى قوى !!
- مش بقولك انت بتهاجمنى
- دا مجرد نقاش .. ماتهربش منه
- ربنا وحده يعلم جوايا ايه ومكتوب اشيله جوايا لوحدى بدون شريك ..
فى النهاية انتهت القصة زى قصص كتير كان ذنبى الوحيد فيها انى اذيت اقرب الناس ليا بدون قصد .. لكن هو ده الحل الوحيد. .
|
المشاركات
فعلا ياتاتا كتير قرارات الناس تشوفها مدمرة ولكن بتكون من وجهة نظرنا الواقعية صائبة جدا
ردحذفحصل معايا زمان حوار زى ده بالظبط ..والكل قال انى ظالم وبحب نفسى وبس..
لكن فى النهاية كنت انا الصح بردو واثبت للناس مدى فايدة القرار ده فى المستقبل..
نايس حوار